Ubos sa program nga makonektahan sa linya ug aron madala ang tubig ngadto sa mga konsumidor, ilabi na kadtong wala pa’y pormal nga koneksyon sa tubig, ang Bohol Water mihimo sa WASH caravan diin ang mga tinugyanan sa Customers Service Section sa maong Kompanya ang miduol ngadto sa komunidad diin ang katuyuan niini mao ang pagdala sa buhatan sa bohol Water haduol sa mga konsumidor aron sa pagdawat ug pagproseso sa mga aplikasyon sa tubig imbis nga himoon kini sa buhatan sa maong kompanya.
Pinasubay sa programa sa United Nations nga mao ang Water, Sanitation ang Hygiene (WASH) master plan, ug gi adopt usab kini sa atong nasod, diin ang mandato mao ang pagdala sa tubig ngadto sa komunidad nga walay pormal nga koneksyon ang mga nanimuyo niini.
Ang maong caravan gihimo sa Bohol Water sugod niadtong adlawng Myerkules, April 15, 2026 sa Barangay Cogon, haduol sa old airport ug likod sa Cogon round church. Ang maong kalihokan, pinasubay sa maong programa sa tinguha nga mahatagan ug kasayon, ilabi na kadtong walay igong kantidad ug dili usab makahatag ug higayon sa pagbisita sa buhatan sa Bohol Water alang sa maong katuyuan.
Subay niini, ang Bohol Water naga-awhag sa mga konsumidor nga anaa nanimuyo sa nahisgutang dapit, ilabi na kadtong wala pay koneksyon sa tubig, sa pag pahimulos sa maong kahigayunan. Padayon nga himoon sa Bohol Water ang WASH caravan sa sunod semana. Human sa maong dapit, himoon usab ang caravan sa mga dapit nga adunay bag-ong linya ang Bohol Water sama sa Barangay Dao, subay sa Darunday St, Zamora St ug Toledo St.
Alang sa dugang kasayoran sa maong programa, mahimong motawag sa buhatan sa Bohol Water pinaagi sa mga numero sa telepono: 412-3154; 411-0210 ug cell phone No. 09177208672 / 09177306331 o mahimong mo message sa FB page: Bohol Water Utilities, Inc.