Subay sa programa alang sa pagpanalipod sa kinaiyahan, ang Bohol Water nagpakita ug suporta pinaagi sa aktibong pagsalmot sa kalihokan sa coastal clean-up niadtong Domingo, Pebrero 2, 2026. Kini nga kalihokan agi sa pagduyog sa ‘’World Wetlands Day’’ nga giselebrar matag tuig sa Pebrero 2 nga adunay tema “Wetlands and Traditional Knowledge: Celebrating Cultural Heritage”. Kini nagtinguha nga mapalambo ang kahibalo bahin sa kahinungdanon sa mga ‘wetlands’ ug pagdasig sa pagpanalipod niini.
Gitambongan ang maong kalihokan sa nagkalain-laing ahensiya sa gobyerno, organisasyon ug mga pribadong sector. Ang Bohol Water, uban ang ilang mga empleyado, miduyog sa maong kalihokan pinaagi sa paglimpyo sa Abatan River.
Ang kalihokan nga gipahigayon usa ka dako nga kontribusyon sa pagpreserbar sa kalimpyo sa atong mga wetlands. Kini nagpakita sa dakong importansya sa pagtinabangay aron mapanalipdan ang atong kinaiyahan. Pinaagi sa susamang mga kalihokan, gipakita sa Bohol Water ang ilang seryosong commitment sa pagpanalipod sa atong palibot ug pagpakita sa gahum sa pagtinabangay alang sa kahinlo sa mga wetlands ug sa atong komunidad.