Ang Bohol Water Utilities, Inc. (BWUI) misaulog sa ika 25 ka tuig nga anniversaryo niadtong Huwebes, Agosto 28, 2025. Ang pag duma sa panubig gi turn over gikan sa Provincial Waterworks System (PWS) ngadto sa BWUI niadtong December 28, 2000. Daghanang kalamboan ang gihimo sa BWUI sulod sa 25 ka tuig nga pagduma niini nga nag alagad sa 13 ka Barangay sa Tagbilaran City, tulo ka barangay sa Baclayon ug bulk supply sa Lungsod sa Dauis ug Corella.
Lakip sa mga kalamboan nga nahimo sa BWUI, mao ang mga mosunod: (1) pagdugang sa mga tinubdan o pumping stations nga pagkakaron anaa na sa sobra tryenta (30) ka operational pumping stations; (2) Pag construct ug dugang mga tangke o storage facilities nga adunay total capacity of 3,812 cubic meters; (3) Pagpalapad sa service area nga nadugang ang lungsod sa Dauis, Corella ug tulo ka barangay sa Baclayon; (4) Pag upgrade sa mga kapasidad sa mga pumping stations; (5) Pag acquire o pagpalit ug mga generator sets aron maoy mopadagan sa mga pumping stations panahon sa brownout; (6) Pag upgrade ug pagladlad ug dugang mga linya; (7) Kalihokan pagpakunhod sa system’s loss gikan sa 40% ngadto sa 19% as of July ning tuiga; ug uban pang kalamboan sa systema sa panubig diin nasinati kini sa mga konsumidor.
Sa makanunayon ug matinud-anon nga serbisyo ngadto sa mga konsumidor, ang Bohol Water padayon nga naningkamot alang sa dugang kaugmaran aron matagbo ang nagsaka nga panginahanglan ug tubig sa nagka-uswag nga gialagaran nga mga dapit .